Americana Երևան

Մեր մասին

Americana storefront on a leafy Yerevan street
Մեր պատմությունը

Americana. Ամերիկյան որակ՝ հասանելի Հայաստանում

«Իմ ցանկությունն էր, որ Հայաստանում յուրաքանչյուր ոք կարողանա ձեռք բերել օրիգինալ ամերիկյան բրենդների ապրանքներ՝ առանց ավելորդ գումար վճարելու»։

Ես Նաիրան եմ՝ «Americana» խանութի հիմնադիրը։

Ապրելով Ամերիկայում՝ տարիների ընթացքում հնարավորություն եմ ունեցել ծանոթանալու ամերիկյան հայտնի բրենդներին, գնահատելու դրանց որակն ու օգտվելու այն հնարավորություններից, որոնք առաջարկում են ամերիկյան խանութները։

Ամեն տարի այցելելով հայրենիք՝ Հայաստան, ես նկատում էի, թե որքան նորաձև, գեղեցիկ և որակյալ ապրանքներ են փնտրում մեր հայրենակիցները։ Միևնույն ժամանակ տեսնում էի, որ շուկայում երբեմն ոչ օրիգինալ ապրանքները վաճառվում են բավականին բարձր գներով, երբ նույն գումարով հնարավոր է ձեռք բերել իսկական բրենդային ապրանքներ։

Հենց այդ մտքից էլ ծնվեց «Americana»-ն։

Ես ցանկացա Հայաստանի մեր հայրենակիցների համար հասանելի դարձնել այն օրիգինալ ամերիկյան բրենդները, որոնցից մենք ինքներս օգտվում ենք Ամերիկայում։

Մեր խանութի ապրանքներն ընտրվում և ձեռք են բերվում Ամերիկայի վստահելի խանութներից։ Յուրաքանչյուր ընտրության մեջ կարևորում եմ ոչ միայն գեղեցիկ տեսքը, այլև որակը, հարմարավետությունն ու մատչելի գինը։

Ամեն տարի Հայաստան այցելելիս ավելի լավ եմ ճանաչում մեր հաճախորդների ճաշակը, ցանկություններն ու կարիքները։ Դա ինձ օգնում է ընտրել այնպիսի ապրանքներ, որոնք ոչ միայն նորաձև են, այլև իսկապես օգտակար և հաճելի առօրյայում։

Ինձ համար «Americana»-ն պարզապես խանութ չէ։ Այն վստահության վրա հիմնված կապ է Ամերիկայի և Հայաստանի միջև։

Իմ նպատակն է, որ յուրաքանչյուր հաճախորդ կարողանա վստահությամբ գնումներ կատարել՝ իմանալով, որ ընտրում է օրիգինալ, որակյալ ապրանք՝ հնարավորինս մատչելի գնով։

Շնորհակալ եմ, որ վստահում եք մեզ և դառնում «Americana»-ի պատմության մի մասը։

Սիրով՝ Նաիրա
«Americana»-ի հիմնադիր

Americana-ն Երևան է բերում ամերիկյան հայտնի բրենդների իսկական հագուստ, կոշիկ, պայուսակներ և աքսեսուարներ։ Յուրաքանչյուր իր մենք ընտրում ենք Կալիֆոռնիայում և առաքում մեր խանութ՝ Հրաչյա Քոչարի փողոցում։

Մեր իրերի մեծ մասը եզակի է՝ մեկ չափս, մեկ հատ։ Վաճառվեց՝ այլևս չկա։

Այցելեք մեզ

Հրաչյա Քոչարի 20/17, Երևան
Աշխատում ենք ամեն օր՝ 11:00-20:30
(098) 075-596, (099) 326-211
Instagram՝ @americana_store_yvn

Անհատական պատվերներ

Չե՞ք գտնում։ Մենք կգտնենք Ձեզ համար։

Գրեք բրենդը, ապրանքը և չափսը։ Մենք այն կգտնենք ԱՄՆ-ում և կբերենք Երևան։ Պատվիրելիս՝ 50% կանխավճար, մնացածը՝ ստանալիս։

Պատվիրել ապրանք